YouTube-тің ауқымды жаңаруы: Бір Wi-Fi желісіне қосылу міндеті енді жоқ
Енді бір Wi-Fi қажет емес! YouTube-ті теледидардан көрудің ережесі толық өзгерді
Қазіргі кезде YouTube-ті қарау үшін міндетті түрде компьютердің алдында отыру шарт емес. Смартфондағы қосымшадан бөлек, бұл платформа смарт-теледидарлардың да ажырамас бөлігіне айналды.
Бейнероликтерді тікелей теледидардан немесе телефон арқылы трансляциялап көру қазір өте танымал. Алайда осы уақытқа дейін телефоннан теледидарға қосылу біраз қолайсыздық тудыратын. Пайдаланушылар жиі қатып қалу мәселесіне шағымданса, кейде телефондағы қосымшаны байқаусызда жауып қалғанда теледидардағы видео да тоқтап қалатын.
Енді YouTube үдерісті әлдеқайда жеңілдететін жаңа функцияларды іске қосты. Ең басты жаңалық — бұдан былай теледидар мен телефон бір Wi-Fi желісіне қосылуы міндетті емес. 9to5Google басылымы атап өткендей, 1 қыркүйекте YouTube-тің қолдау форумында бұл өзгерістер ресми түрде расталды.
Желіге тәуелділік жойылғандықтан, теледидар мен телефонда бір аккаунт ашық тұрса болғаны, жүйе мінсіз жұмыс істейді. Оған қоса, енді теледидардан видео көріп отырып, телефоннан YouTube-ті еркін ақтара аласыз, яғни үлкен экрандағы трансляцияны үзбейді. Тіпті, бір уақытта екі түрлі видео көруге де мүмкіндік бар. Одан бөлек, бұрынғы батырманың орнына енді жаңартылған «Басқа құрылғыда ойнату» опциясы пайда болды.
YouTube командасы мұны «ауқымды жаңару» деп атады. Өйткені енді телефон арқылы жазылған пікірлер мен басылған лүпілдер бірден теледидар экранында көрінеді.
Айта кетейік, платформадағы жалғыз өзгеріс емес. Тамыз айының соңында ұзақ видеолардың қаралым санау жүйесі де жаңарды. Енді қаралым есептелуі үшін видеоны бастан-аяқ толық көру міндетті емес.
Пікірлер
Әзірге пікір жоқ. Алғашқы пікірді қалдырыңыз!
