Ұлттық ұланда құқық бұзушылықты хабарлаудың жаңа жүйесі жұмыс істей бастады
Жүйенің басты ерекшелігі — түскен барлық шағым мен өтінішті арнайы цифрлық есепке алу журналында автоматты түрде тіркеледі.
«Цифрлық профилактика» ведомствоаралық бағдарламасы аясында Ұлттық ұланның әскери полициясы жаңа байланыс арнасын ашты. Бас қолбасшының тікелей тапсырмасымен құрылған бұл жедел желі әскери қызметшілерден, азаматтық персоналдан және қарапайым тұрғындардан өтініштерді тәулік бойы қабылдайды.
Құқық бұзушылыққа немесе әскери тәртіпке қатысты кез келген ақпаратты келесі нөмірлер арқылы жеткізуге болады:
+7 708 703 36 36
+7 (7172) 27 36 36
Жүйе тек телефон қоңырауларын ғана емес, SMS хабарламаларды да қабылдайды.
Жүйенің басты ерекшелігі — түскен барлық шағым мен өтінішті арнайы цифрлық есепке алу журналында автоматты түрде тіркеледі. Бұл әрбір істің қаралу барысын барынша ашық етіп, қабылданған шешімдердің орындалуын қатаң бақылауда ұстауға мүмкіндік береді.
Ведомство өкілдерінің мәлімдеуінше, жедел желіні іске қосу — Ұлттық ұлан қызметін цифрландырудың кезекті кезеңі. Бұндай қадам құқық бұзушылықды уақтылы анықтап, әскери қызметшілер мен азаматтардың заңды мүдделерін қорғауға, сондай-ақ мәселелерге жедел ден қоюға оң ықпал етеді.
