Сергек Шудың бойына жетті

Шу қаласында қоғамдық және жол қауіпсіздігін қамтамасыз ететін Sergek интеллектуалды жүйесі ресми түрде іске қосылды. Жоба Шу ауданы әкімдігі мен Sergek Group компаниясының бірлесуімен жүзеге асып, қала көшелеріне 182 бейнебақылау камерасы орнатылды.

Жүйе нені бақылайды?

Жол қозғалысын қадағалайтын кешендер 12 жол учаскесі мен 5 қиылысқа қойылды. Олар мынадай құқық бұзушылықтарды автоматты түрде тіркейді:

• Көлік жылдамдығын белгіленген шектен асыру;

• Бағдаршамның қызыл түсіне өту;

• Тоқтау сызығын кесіп өту;

• Жаяу жүргіншіге жол бермеу.

Жолдардан бөлек, қаланың саябақтары мен қоғамдық орындарындағы 58 нысанға камералар қойылды. Оның 20-сы – айналаны 360 градусқа шолып, бейнені жақындата алатын заманауи PTZ камералары. Барлық ақпарат Шу аудандық полиция бөліміндегі жаңадан жабдықталған жедел басқару орталығына түседі.

Жамбыл облысы Полиция департаментінің мәліметінше, бұл жоба «Заң және тәртіп» қағидатын іс жүзінде жүзеге асырудың айқын көрінісі. Ал Sergek Group бас директоры Евгений Кимнің айтуынша, нағыз «ақылды қала» елді мекеннің ауқымымен емес, қауіпсіздік жүйелерінің қаншалықты үйлесімді жұмыс істейтінімен өлшенеді.

«Сергек» кешендері орнатылған мекенжайлар тізімі:

Тура жол учаскелері:

• Төле би көшесі, 81 («Әдия» дүкенінің маңы);

• Төле би ауылы, Асатұлы көшесі, 17 (Шу РЭС-інің қарсы беті);

• Тараз бағытына шығатын жол (Liqui Moly ЖҚС маңы);

• Сейфуллин көшесі (Sultan Palace мейрамханасы маңы);

• Сәтбаев көшесі, №34 және №81 үйлер маңы;

• Қ. Сәтбаев көшесі, 251 («Ливер» кафесі маңы);

• Сейфуллин көшесі, 51 («Адеми Ай» қонақүйі маңы);

• Қасымхан көшесі, №21 үй маңы;

• Орынбаев көшесі, 20 (футбол алаңы маңы);

• Асатұлы көшесі («Айналайын» балабақшасы маңы);

• Әзімбай Шалибекұлы көшесі, №94 үй маңы.

Қиылыстар:

• Шакиров – Сәтбаев көшелері;

• Крупская – Қасымхан көшелері;

• Оразымбет Қадырбекұлы – Сейфуллин көшелері;

• Сәтбаев – Сейфуллин көшелері;

• Әубәкіров – Төле би көшелері.