Ломбардқа қарыз болсаңыз да, несие тарихыңыз тап-таза қалады
Несие тарихыңыз тап-таза қалады: Үкімет ломбардқа қарыз адамдарды несие қамытынан құтқаратын жаңа заң жобасын жариялады! Бұрынғыдай айыппұл мен өсімпұлдан қорықпай-ақ қойсаңыз болады. Бұл жүйенің қалай жұмыс істейтінін түсіну үшін жалғасын астына басып оқыңыз.
Бұдан былай ломбардқа өткізген алтын сақинаңыз немесе бағалы затыңыз үшін алған қарызды уақытында қайтара алмай қалсаңыз, несие тарихыңыз бүлінбейтін болды. Қаржы нарығын реттеу және дамыту агенттігі дәл осындай жаңа ереже ұсынып отыр.
Ломбардтан ақша алғанда, сіз кепілге бір затыңызды (көбіне алтын әшекей) қалдырасыз. Егер қарызды қайтара алмасаңыз, ломбард әлгі затты өздерінде алып қалады. Яғни, кепілге қойылған мүліктің құны қарызды толық жабуға жетеді деген сөз. Сондықтан ломбард сізден ешқандай қосымша ақша, айыппұл немесе өсімпұл талап ете алмайды.
Бұрын ломбардқа өткізген ескі-құсқы бұйым немесе бір сақина үшін алған болмашы тиын-тебенді уақытында қайтармасаңыз, бұл сіздің несие тарихыңызда "қара таңба" болып қалатын. Осының кесірінен кейін банктерден үйге ипотека, көлікке автонесие немесе басқа да маңызды қарыздарды алу қиынға соғатын.
Енді бұл әділетсіздік жойылып, ломбардтағы кешіктірілген қарыз банктегі беделіңізге ешқандай кері әсерін тигізбейтіндей етіп өзгертілмек.
Пікірлер
Әзірге пікір жоқ. Алғашқы пікірді қалдырыңыз!
