Әлемдік ортопедия элитасы Астанада: ҰҒТОО күрделі буын алмастыру операцияларының жаңа дәуірін бастады
Елордада өткен медициналық форумның сыртында қандай жабық тақырыптар мен күрделі кейстер талқыланды?

Қазан айının 30–31 күндері Астанада жамбас және тізе буындарын күрделі эндопротездеуге арналған халықаралық ғылыми-практикалық конференция өтті. Бұл ауқымды жиынды академик Н.Д. Батпенов атындағы Ұлттық травматология және ортопедия ғылыми орталығы Қазақстан травматолог-ортопедтері қауымдастығымен бірлесіп ұйымдастырды.
Конференцияның құрметті қонағы ретінде буын эндопротездеу саласындағы әлемдегі топ-эксперттердің бірі, Перипротездік инфекция мәселелері жөніндегі халықаралық консенсус конференциясының (ICM) негізін қалаушы әрі төрағасы — профессор Джавад Парвизи келді. Ол шетелдік әріптестерімен бірге буын патологияларының күрделі түрлерін және отадан кейінгі асқынуларды емдеу тәжірибесімен бөлісті. Сондай-ақ жиынға Қазақстан, Түркия және Ресейдің маңдайалды травматолог-ортопедтері қатысты. Олардың арасында Түркия эндопротездеу қауымдастығының президенті, профессор Ибрагим Тунчай, Чебоксар қаласындағы Травматология, ортопедия және эндопротездеу федералды орталығының директоры Николай Николаев және Санкт-Петербургтегі Р.Р. Вреден атындағы Ұлттық медициналық зерттеу орталығы директорының орынбасары Игорь Шубняков бар.
Биылғы конференцияның басты ерекшелігі — форматтың интерактивтілігінде, яғни барлық талқылау нақты клиникалық жағдайларды (кейс) жіті талдау негізінде өрбіді. Қатысушылар жалықтыратын дәстүрлі баяндамаларды тыңдаудың орнына, халықаралық эксперттермен пікірталасқа белсенді қатысып, түйінді сұрақтар қойды және ең күрделі жағдайларда қандай емдеу тактикасын таңдау керектігін бірлесіп шешті.
Бағдарламаның кульминациясы — тікелей эфирде жасалған Live Surgery (көрсетілімдік ота) болды. ННЦТО ортопедтері профессор Джавад Парвизимен тізе бүгіп, перипротездік инфекция салдарынан туындаған күрделі жағдайда тізе буынын бір сәтте ревизиялық эндопротездеу отасын сәтті орындады. Хирургиялық процестің әрбір қадамы тікелей эфирде көрсетіліп, дәрігерлер таңдалған ем жолы мен ота барысын қатар талқылап отырды. Жиналған мамандар нақты уақыт режимінде сұрақтар қойып, шетелдік ұстаздардан тәлім мен тәжірибелік комментарий алды.
Бұл басқосу отандық травматология мен ортопедия үшін әлемдік деңгейдегі мадицина тарландарымен тікелей тәжірибе алмасатын бірегей алаңға айналды. Мұндай кәсіби қарым-қатынас қазақстандық ортопедия мектебінің әлеуетін арттырып, жаңа хирургтялық әдістерді меңгеруге және елімізде көрсетілетін мамандандырылған медициналық көмектің сапасын жаңа сатыға көтеруге қуатты серпін береді.



Пікірлер
Әзірге пікір жоқ. Алғашқы пікірді қалдырыңыз!










