Жасанды жанар: Еуропада мақұлданған микрочип соқырлықты қалай жеңді?

Ғылыми фантастика киноларындағы көріністер шындыққа айналған сәт: Көздің сау жасушаларына еш зиянын тигізбейтін, сырттан тоққа қосып қуаттауды мүлдем қажет етпейтін және қоршаған ортадағы бейнені микрочипке кедергісіз тасымалдайтын инновациялық құрылғы тіпті медициналық үкімі шығып қойған жандардың өзіне жарық дүниенің сұлулығын қайта көруге, ұсақ бөлшектерді ажыратуға және толыққанды өмір сүруге жол ашты

Алаш баласы||2 мин оқу
Жасанды жанар: Еуропада мақұлданған микрочип соқырлықты қалай жеңді?
Сурет: ok.ru

Жанарынан айырылып, әлемнің жарығын көруден үмітін үзген жандар үшін бұл тарихи жаңалық болмақ. Еуроодақ пен Ұлыбританияда зақымдалған көз торын алмастыратын инновациялық электронды имплантты қолдануға ресми рұқсат берілді. «Science Corp» компаниясы ойлап тапқан PRIMA деп аталатын бұл бірегей құрылғы «ақылды» көзілдірікпен байланыса отырып, тіпті қайтымсыз соқырлыққа шалдыққан адамдардың жанарын қайтарады. Қазірдің өзінде ол әлемнің отыз елінде сатылымға шығып үлгерді.

PRIMA импланты макулярлы дегенерацияның ең ауыр әрі қайтымсыз түрі саналатын географиялық атрофиядан зардап шегетін науқастардың орталық көру қабілетін қалпына келтіреді. Бұл дертке шалдыққан әлемдегі сегіз миллионға жуық адам көз алдындағыны көру, ұсақ бөлшектерді ажырату және кітап оқу мүмкіндігінен айырылған. Себебі, көздің макула аймағындағы жасушалар біртіндеп өліп, қайта тірілмейді. Қазіргі медицинада бұл дертті толық емдейтін тәсіл жоқ. Филадельфиядағы клиника профессоры Сунир Гаргтың айтуынша, АҚШ-та мақұлданған кейбір дәрілік инъекциялар аурудың асқынуын тежегенімен, жоғалған көру қабілетін қайтарып бере алмайды. Ал жаңа имплант дәл осы олқылықтың орнын толтырмақ.

Бұл технологияның жұмыс істеу механизмі ғылыми фантастиканы еске салады. Түйреуіштің басындай ғана кіп-кішкентай имплант көз торының астына орнатылады, ал науқас камерасы бар арнайы көзілдірік тағады. Камера айналадағы көріністі түсіріп, өңдейді де, оны көз ішіндегі микрочипке инфрақызыл сәуле арқылы жібереді. Бұл сәулелер көзге көрінбейтіндіктен, адамның сақталып қалған табиғи жанарына еш зиянын тигізбейді.

Құрылғының басты ерекшелігі – оған батареяның қажеті жоқ. Микрочиптер инфрақызыл жарықты электр импульстеріне айналдырып, көз торының сау қалған нейрондарын тікелей ынталандырады. Яғни, имплант көздің өліп қалған жасушаларын айналып өтіп, миға тікелей сигнал береді. «Science Corp» компаниясының стратегиялық мәселелер жөніндегі директоры Дариус Шахиданың айтуынша, көзілдірік күн батареясы секілді жарықтан тікелей электр қуатын өндіреді. Сондықтан науқастарға құрылғыны тоққа қосып қуаттаудың немесе өзімен бірге сыртқы қуат көзін алып жүрудің еш қажеті жоқ.

Жаңа құрылғының нәтижесі де таңғаларлық. Былтыр күзде жарияланған зерттеу қорытындысы бойынша, PRIMA имплантын қолданған пациенттердің сексен пайызында орталық көру қабілеті қайта оянып, жанары айтарлықтай жақсарған.

Аударма
Мақаланы басқа тілде оқыңыз
Бөлісу
TelegramWhatsAppFacebook

Пікірлер

Әзірге пікір жоқ. Алғашқы пікірді қалдырыңыз!

Соңғы жаңартылуы: 12 қараша 2026, 16:43

Ұқсас мақалалар

Сайлау алдындағы дипфейк толқыны: TikTok жаңа құрал іске қосты

Сайлау алдындағы дипфейк толқыны: TikTok жаңа құрал іске қосты

Бүгінде экраннан көргеннің бәріне сене беруге болмайды. TikTok саясаткерлер мен мемлекеттік органдарға өз бет-бейнесін рұқсатсыз пайдаланған жасанды интеллект контентін тауып, оған шағым түсіруге мүмкіндік беретін құрал ұсынды.

|Технология
Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Он жыл бойы Бингтің қолынан келмегенді жасанды интеллект санаулы күнде жасады: Енді біз ақпаратты мүлдем басқаша іздейтін боламыз, себебі...

|Технология
Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Он миллиард доллары бар адам бір миллиарды бар адамнан он есе көп тамақ іше алмайды: Илон Маск болашақта байлық пен ақшаның мүлде құнсызданатынын және адамзаттың роботтардан жақсы істей алатын бірде-бір кәсібі қалмайтынын болжады.

|Технология
Сіздің интернетіңіз қалай жұмыс істейді?

Сіздің интернетіңіз қалай жұмыс істейді?

Сіз дәл қазір осы мәтінді оқып отырған сәтте, деректеріңіздің бір бөлігі мұхит түбімен, қараңғы әрі суық тереңдікте, жарық жылдамдығымен жүгіріп жатқан болуы мүмкін.

|Технология
Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Көліктің нөмірін жасырсаңыз да, бетперде кисеңіз де бәрібір құтылмайсыз! Алматы облысында 9 мыңнан астам камераны бір орталыққа бағындырған «Sergek» жүйесі енді адам ойына келмейтін әдістермен жұмыс істей бастады.

|Технология
Google фейктерді анықтайтын жаңа құралын таныстырды

Google фейктерді анықтайтын жаңа құралын таныстырды

Кессеңіз де, фильтр қоссаңыз да өшпейді: Жасанды интеллект жасаған видеоларды әшкерелейтін көзге көрінбейтін таңба қалай жұмыс істейді?

|Технология
LiveInternetZERO.kz