Жаңа Nokia 200 4G: Енді қарапайым телефоннан да бейнеқоңырау шалуға болады

Nokia Қытай нарығына бейнеқоңырау шалу мүмкіндігі бар өзінің алғашқы түймелі телефоны – Nokia 200 4G моделін ұсынды - деп жазды nokianews.net. Fast Technology басылымының хабарлауынша, бірнеше айлық үзілістен кейін Nokia-ның ресми WeChat аккаунты жаңарып, студенттерге, егде жастағы адамдарға және қосымша байланыс құралын іздейтіндерге арналған жаңа құрылғыны таныстырды. Телефонның бағасы – 199 юань (шамамен 29 АҚШ доллары).

Негізгі ерекшелігі

• Бейнеқоңырау мен чат: Бұл финдік HMD компаниясының алғашқы "микро-чат" телефоны. Ол дәстүрлі түймелі дизайнды заманауи байланыс функцияларымен біріктіреді. HMD Chat жедел хабар алмасу құралы арқылы қарапайым телефондар мен смартфондар арасында (WeChat шағын қосымшасының көмегімен) үздіксіз байланыс орнатуға болады.

• Кең мүмкіндік: Дауыстық және бейнеқоңыраулар, мәтін мен сурет алмасу, топтық чаттар, геоқоршау (geofencing) және орналасқан жерді бақылау функциялары қарастырылған. Сонымен қатар, екі түймелі телефон өзара тікелей хат алмасып, бейнеқоңырау шала алады.

Техникалық сипаттамасы

• Экран және дизайн: 2,4 дюймдік дисплей, үлкен әрі бөлек орналасқан түймелер. Отбасылық нөмірлерді баптау және бір рет басу арқылы қоңырау шалу мүмкіндігі, сондай-ақ қос жарықдиодты (LED) жарқыл бар.

• Батарея: 1450 мАсағ.

• Мультимедиа және аудио: 9 деңгейлі сыртқы дыбыс күшейткіші орнатылған. Құлаққапсыз тыңдауға болатын кіріктірілген FM-радио, дауыс жазу диктофоны, қоңырауларды жазу функциясы және Himalaya FM, Migu Music қолдауы бар.

• Байланыс: 4G желілерін және VoLTE HD дауыстық қоңырауларын қолдайды. Екі Nano SIM картасына арналған слот бар, яғни екі SIM карта мен 4G желісін бір уақытта еш кедергісіз пайдалануға болады.