Таразда Sergek жүйесі жаяу жүргіншіге жол бермеген жүргізушілерді анықтай бастады 

Тараз қаласы мен Жамбыл облысындағы бірқатар жол учаскелерінде орнатылған Sergek аппараттық-бағдарламалық кешендері жаяу жүргіншіге жол бермеу деректерін автоматты түрде анықтай бастады.

Алаш баласы||2 мин оқу
Таразда Sergek жүйесі жаяу жүргіншіге жол бермеген жүргізушілерді анықтай бастады 

Бұған дейін жүйе көлік жылдамдығын асыру, бағдаршамның тыйым салған сигналына өту, тұтас сызықты және тоқтау сызығын кесіп өту сияқты жол қозғалысы ережелерінің бұзылуын анықтап келген. Енді Sergek жүйесі жаяу жүргіншілер өткеліндегі қозғалысты да бақылайды. Бұл учаскелерде жаяу жүргіншілерді қағып кету қаупі жоғары болғандықтан, жаңа функция ең алдымен осындай жол бөліктерінде іске қосылды. 

«Жаяу жүргіншілердің қауіпсіздігін қамтамасыз ету – біздің негізгі міндеттеріміздің бірі. Жаяу жүргіншілер өткеліндегі жол-көлік оқиғалары әлі де өзекті мәселе болып отыр. Автоматты тіркеу жүргізушілердің жауапкершілігін арттырып, жолдағы тәртіпті күшейтуге ықпал етеді. “Заң мен тәртіп” қағидаты жолдағы қауіпсіздік пен әрбір жаяу жүргіншіге құрметтен басталады. Біздің мақсат – айыппұл салу емес, жол-көлік оқиғаларының алдын алып, азаматтардың өмірі мен денсаулығын қорғау», – деп атап өтті Жамбыл облысы Полиция департаментінің баспасөз қызметі. 

Жаңа функция алғашқы кезеңде қала мен облыстағы 16 жол учаскесінде жұмыс істейді. Бұл учаскелер көлік қозғалысы қарқынды және білім беру ұйымдары орналасқан аумақтарды ескере отырып таңдалған.

Жүйе компьютерлік көру технологиясы арқылы көлік пен жаяу жүргіншінің қозғалысын нақты уақыт режимінде талдайды. Алгоритм жүргізушінің әрекеті жаяу жүргіншінің өткелден өтуіне кедергі келтірген жағдайда, құқық бұзушылықты автоматты түрде анықтайды.

«Жаяу жүргіншіге жол бермеуді автоматты түрде анықтау – цифрлық технологиялардың адам қауіпсіздігіне нақты пайда әкелетінін көрсететін шешімдердің бірі. Жаяу жүргінші – жол қозғалысындағы ең осал қатысушы. Сондықтан бұл функция жаяу жүргіншілер өткелдеріндегі қауіпті жағдайлардың алдын алуға бағытталған. Sergek жүйесі құқық бұзушылықтарды автоматты түрде анықтап, жолдағы жағдайды тәулік бойы бақылауға мүмкіндік береді», – деді Sergek Group компаниясының бас директоры Евгений Ким.

Айта кетейік, қазір Жамбыл облысындағы Sergek инфрақұрылымына қоғамдық қауіпсіздікті қамтамасыз ететін 2050 бейнебақылау камерасы және жол қозғалысын бақылайтын 144 аппараттық-бағдарламалық кешен кіреді. 

Жүйе іске қосылған учаскелер:

  1. Асқаров көшесі, №61 мектеп маңы;

  2. Жауғаш батыр көшесі, №14 мектептің қарсы беті;

  3. Төле би даңғылы, №1 колледж маңы;

  4. Көшеней көшесі, 140 (жанармай құю станциясының қарсы беті);

  5. Сүлейменов көшесі – Ұлбике ақын көшесінің қиылысы («Сельпо» ауданы);

  6. «Батыс Еуропа – Батыс Қытай» автожолы, 348-шақырым (Алматы бағыты);

  7. Ташкент көшесі, №300 үй маңы;

  8. Қосанов көшесі, Әулие-Ата шағынауданы;

  9. Аққозиев көшесі, 73 (Хамракул мешіті маңы);

  10. Сәтбаев көшесі, 15А («Гидро» аялдамасы);

  11. Әуежай аумағы (кіреберіс);

  12. Әуежай аумағы (шығаберіс);

  13. Көшеней көшесі, 65 («Корзинка» дүкенінің қарсы беті);

  14. «Алматы – Ташкент» автожолы, 252-шақырым, Қордай ауданы (Сарыбұлақ ауылы);

  15. «Мерке – Шу – Бурылбайтал» автожолы, 124-шақырым;

  16. Шу қаласы, Сәтбаев көшесі, 34.

Аударма
Мақаланы басқа тілде оқыңыз
Бөлісу
TelegramWhatsAppFacebook

Пікірлер

Әзірге пікір жоқ. Алғашқы пікірді қалдырыңыз!

Соңғы жаңартылуы: 20 қараша 2026, 16:05

Ұқсас мақалалар

Сайлау алдындағы дипфейк толқыны: TikTok жаңа құрал іске қосты

Сайлау алдындағы дипфейк толқыны: TikTok жаңа құрал іске қосты

Бүгінде экраннан көргеннің бәріне сене беруге болмайды. TikTok саясаткерлер мен мемлекеттік органдарға өз бет-бейнесін рұқсатсыз пайдаланған жасанды интеллект контентін тауып, оған шағым түсіруге мүмкіндік беретін құрал ұсынды.

|Технология
Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Он жыл бойы Бингтің қолынан келмегенді жасанды интеллект санаулы күнде жасады: Енді біз ақпаратты мүлдем басқаша іздейтін боламыз, себебі...

|Технология
Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Он миллиард доллары бар адам бір миллиарды бар адамнан он есе көп тамақ іше алмайды: Илон Маск болашақта байлық пен ақшаның мүлде құнсызданатынын және адамзаттың роботтардан жақсы істей алатын бірде-бір кәсібі қалмайтынын болжады.

|Технология
Сіздің интернетіңіз қалай жұмыс істейді?

Сіздің интернетіңіз қалай жұмыс істейді?

Сіз дәл қазір осы мәтінді оқып отырған сәтте, деректеріңіздің бір бөлігі мұхит түбімен, қараңғы әрі суық тереңдікте, жарық жылдамдығымен жүгіріп жатқан болуы мүмкін.

|Технология
Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Көліктің нөмірін жасырсаңыз да, бетперде кисеңіз де бәрібір құтылмайсыз! Алматы облысында 9 мыңнан астам камераны бір орталыққа бағындырған «Sergek» жүйесі енді адам ойына келмейтін әдістермен жұмыс істей бастады.

|Технология
Google фейктерді анықтайтын жаңа құралын таныстырды

Google фейктерді анықтайтын жаңа құралын таныстырды

Кессеңіз де, фильтр қоссаңыз да өшпейді: Жасанды интеллект жасаған видеоларды әшкерелейтін көзге көрінбейтін таңба қалай жұмыс істейді?

|Технология
LiveInternetZERO.kz