LRT-дан түсіп, әрі қарай тегін жүресіз: Астанада жаңа көлік жүйесі іске қосылмақ

Астанада LRT мен қалалық велопрокатты бір маршрутқа біріктіру жоспарлануда. Енді бекетке жеткен соң, QR-кодты сканерлеп, үйге немесе кеңсеге дейінгі жолыңызды электрлі велосипедпен жалғастыра аласыз.

Негізгі өзгеріс пен жоспар:

Тегін ауысым: LRT мен AstanaBike бір жүйеге біріктіріледі. Пойыздан велосипедке ауысу үшін қосымша ақы төлеудің қажеті жоқ.

Жаңа электровелосипед: Елордаға 2,3 млрд теңгеге 1,3 мың жаңа электровелосипед сатып алынады (бір велосипедтің құны – шамамен 1,8 млн теңге).

Қуаты мен жылдамдығы: Ең жоғары жылдамдығы 25 км/сағ, ал бір рет қуаттағанда 50 шақырымға дейін жетеді.

Ауа райы мен төзімділік: -10-нан +40 градусқа дейінгі температурада жұмыс істеуге бейімделген. 120 келіге дейінгі салмақты көтереді.

Технология: Әр велосипед GPS, LTE, Bluetooth және Wi-Fi модульдерімен, сондай-ақ жарықшам, себет және қорғаныш құралдарымен жабдықталады.

Инфрақұрылым: Қала бойынша LED-экрандары бар 195 жаңа станция (әрқайсысында 10 тұрақтан) ашылады.

Жаңа жүйені AstanaBike пен LRT интеграциясы толық аяқталған соң, 2027 жылы іске қосу жоспарланып отыр.

🔗 Толығырақ оқу: Tengrinews.kz