Код жазудың жаңа дәуірі: Жасанды интеллекттің «тілін тапқан» мамандар жарты миллион теңге ұтып алды

Жүлде қоры 1 миллион теңгені құраған додада корпоративтік және жеке есеп қатар жүрді. Сонымен, жасанды интеллекттің құлағында ойнаған нағыз «алгобатырлар» кім болды?

Алаш баласы||2 мин оқу
Код жазудың жаңа дәуірі: Жасанды интеллекттің «тілін тапқан» мамандар жарты миллион теңге ұтып алды

Астанада дүркіреп өткен AI & Digital Bridge 2026 форумында IT-мамандардың арасындағы нағыз тартыс — AlgoBatyr 2026 чемпионаты өз мәресіне жетті. Бұл кәдімгі бағдарламашылардың жарысы емес: мұнда қатысушылар кодты қолмен жазып отырмайды, қайта жасанды интеллектке дұрыс бұйрық (промпт) беріп, оның «тілін табудан» жарысты.

Қазақстанның спорттық бағдарламалау федерациясы мен Astana Hub ұйымдастырған бұл дода мамандардың нейрожелілермен (LLM) жұмыс істеу шеберлігін сынады. Ереже қатал. Шектеулі токен, нақты сұрау. Кім нейрожеліге аз сұрау жіберіп, дәл әрі дұрыс жауап алса — сол жеңімпаз. Мұндай тәсіл әрбір сөзді орнымен қолданып, машинаға нақты нұсқау беруді талап етеді.

Жарыс нағыз жекпе-жек форматында, Double Elimination жүйесімен өтті. Яғни, бір рет сүрінген қатысушыға қатесін түзеуге екінші мүмкіндік берілді, ал екінші рет жеңілген адам ойыннан біржола шығады.

Жүлде қоры 1 миллион теңгені құраған додада корпоративтік және жеке есеп қатар жүрді. Сонымен, жасанды интеллекттің құлағында ойнаған нағыз «алгобатырлар» кімдер?

  • Бірінші орын (500 000 теңге) — Расул Айсаев, Maqsut Nariqbayev University.

  • Екінші орын (300 000 теңге) — Әлішер Бейсембеков, «Damqor» ЖШС.

  • Үшінші орын (200 000 теңге) — Нұрбақыт Сембай, Magnum E-Commerce.

Жеке жүлделерден бөлек, қатысушылар жиынтық нәтижесі ең жоғары командаға табысталатын AlgoBatyr Cup корпоративтік кубогы үшін бақ сынаған болатын. Бұл кубокты Maqsut Nariqbayev University командасы қанжығасына байлады.

«Жасанды интеллект — қазіргінің басты технологиялық тренді болғанымен, адамның іргелі білімі мен алгоритмдік ойлау қабілеті бәрібір басты тірек болып қала береді», — дейді Қазақстанның спорттық бағдарламалау федерациясының бас хатшысы Данабек Қалиаждаров. Оның айтуынша, маман есепті өзі түсініп, AI ұсынған шешімді тексере білуі қажет. Ал AlgoBatyr жасанды интеллекттің адамды алмастырмайтынын, керісінше оның жұмысын жеделдететін мықты құрал екенін дәлелдеп берді.

Бұл чемпионат компаниялар үшін де үлкен сабақ. Қызметкерлер нейрожеліні күнделікті жұмыста қаншалықты тиімді қолдана алады? Ресурсты қалай үнемдейді? Жарыс заманауи IT-маманға ең алдымен машинаға дұрыс бағыт сілтеп, алынған нәтижені сыни тұрғыдан бағалай білу қаншалықты маңызды екенін көрсетті.

Аударма
Мақаланы басқа тілде оқыңыз
Бөлісу
TelegramWhatsAppFacebook

Пікірлер

Әзірге пікір жоқ. Алғашқы пікірді қалдырыңыз!

Соңғы жаңартылуы: 19 қараша 2026, 17:39

Ұқсас мақалалар

Сайлау алдындағы дипфейк толқыны: TikTok жаңа құрал іске қосты

Сайлау алдындағы дипфейк толқыны: TikTok жаңа құрал іске қосты

Бүгінде экраннан көргеннің бәріне сене беруге болмайды. TikTok саясаткерлер мен мемлекеттік органдарға өз бет-бейнесін рұқсатсыз пайдаланған жасанды интеллект контентін тауып, оған шағым түсіруге мүмкіндік беретін құрал ұсынды.

|Технология
Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Он жыл бойы Бингтің қолынан келмегенді жасанды интеллект санаулы күнде жасады: Енді біз ақпаратты мүлдем басқаша іздейтін боламыз, себебі...

|Технология
Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Он миллиард доллары бар адам бір миллиарды бар адамнан он есе көп тамақ іше алмайды: Илон Маск болашақта байлық пен ақшаның мүлде құнсызданатынын және адамзаттың роботтардан жақсы істей алатын бірде-бір кәсібі қалмайтынын болжады.

|Технология
Сіздің интернетіңіз қалай жұмыс істейді?

Сіздің интернетіңіз қалай жұмыс істейді?

Сіз дәл қазір осы мәтінді оқып отырған сәтте, деректеріңіздің бір бөлігі мұхит түбімен, қараңғы әрі суық тереңдікте, жарық жылдамдығымен жүгіріп жатқан болуы мүмкін.

|Технология
Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Көліктің нөмірін жасырсаңыз да, бетперде кисеңіз де бәрібір құтылмайсыз! Алматы облысында 9 мыңнан астам камераны бір орталыққа бағындырған «Sergek» жүйесі енді адам ойына келмейтін әдістермен жұмыс істей бастады.

|Технология
Google фейктерді анықтайтын жаңа құралын таныстырды

Google фейктерді анықтайтын жаңа құралын таныстырды

Кессеңіз де, фильтр қоссаңыз да өшпейді: Жасанды интеллект жасаған видеоларды әшкерелейтін көзге көрінбейтін таңба қалай жұмыс істейді?

|Технология
LiveInternetZERO.kz