Қытай мұхитты бақылайтын жаңа «Haiyang-2E» спутнигін орбитаға шығарды
Ай мен Марс аз болғандай... Қытай енді су астын бақылауға кірісті!
Қытай мұхит ортасын бақылауға арналған «Haiyang-2E» спутнигін сәтті ұшырды. Report агенттігінің мәліметінше, бұл туралы Қытайдың аэроғарыш ғылымы мен техникасы корпорациясы (CASC) мәлімдеді.
«Long March-4B» (CZ-4B) зымыран тасығышы Цзюцюань ғарыш айлағынан көтеріліп, спутникті күн-синхронды орбитаға сәтті алып шықты. Атап өтілгендей, CZ-4B – Шанхай ғарыштық ұшу технологиялары академиясы әзірлеген үш сатылы сұйық отынды зымыран. Ол орбитаға салмағы 2,5 тоннаға дейінгі пайдалы жүктерді шығаруға қауқарлы.
Қазіргі таңда Қытай ұлттық ғарыш бағдарламасын белсенді түрде дамытып, метеорологиялық, телекоммуникациялық және навигациялық спутниктер жасауға, сондай-ақ Айды игеруге арналған технологияларды әзірлеуге ерекше назар аударып отыр. Мемлекет қолдауымен елде астероидтар мен Марсты зерттеу жобалары да іске асырылуда. Бұдан бөлек, орбитада халықаралық ынтымақтастық мақсатында да қолданылатын қытайлық ғарыш станциясы жұмыс істеп тұр.
Пікірлер
Әзірге пікір жоқ. Алғашқы пікірді қалдырыңыз!
