Кеңесші емес, нағыз жұмысшы: Компьютерді өздігінен басқаратын Violoop гаджеті шықты

Оған нақты тапсырма берсеңіз болды, қалғанын өзі тындырады. Үнемі қосулы тұрады әрі қалай жұмыс істейтініңізді сырттай бақылап отырады. Хат жазу мәнеріңізді, құжат толтыру ретін жаттап алады.

Алаш баласы||2 мин оқу
Кеңесші емес, нағыз жұмысшы: Компьютерді өздігінен басқаратын Violoop гаджеті шықты
Сурет: violoop.ai

Күн сайын бірнеше бағдарламаны қатар ашып, сандарды жүйелеп, бітпейтін электронды хаттарға жауап жазудан мезі болдыңыз ба? Гонконгтық Bvio Tech компаниясы бұл мәселенің шешімін тапқандай. Олар жақында Kickstarter алаңында Violoop атты жаңа құрылғыны көпшілікке таныстырды. Өндірушілер ақылды көмекші ғана емес, нағыз «қосылатын жасанды интеллект» деп атап отыр.

Сырттай қарасаңыз, гаджет баяғының кішкентай ретро-мониторына ұқсайды әрі компьютерге HDMI және USB-C сымдары арқылы жалғанады. Басты артықшылығы - жеке қуат көзі бар, яғни ноутбуктың қуатын сорып, жұмысын ауырлатпайды. Ал оның шағын экранынан жасанды интеллектің дәл сол сәтте не істеп жатқанын көріп отыруға болады. Құрылғы Windows, macOS және Linux жүйелерімен еш кедергісіз жұмыс істей береді.

Біз негізі ChatGPT сияқты нейрожелілерге сұрақ қойып, нұсқаулық алуға әбден үйреніп қалдық. Бірақ олар қанша ақылды болса да, негізгі шаруаны бәрібір өзіміз істейміз ғой. Ал Violoop-тың жөні мүлде бөлек. Оған нақты тапсырма берсеңіз болды, қалғанын өзі тындырады. Үнемі қосулы тұрады әрі қалай жұмыс істейтініңізді сырттай бақылап отырады. Хат жазу мәнеріңізді, құжат толтыру ретін жаттап алады. Тіпті кейде оған артық сөздің де қажеті жоқ, жұмыстың мән-жайын өзі-ақ түсініп тұрады. Қысқасы үлкен компьютерді сырттан басқаратын, қайталана беретін іш пыстырарлық жұмыстарды мойнына алатын дербес «ми».

Әрине, техника болған соң қателесуі мүмкін екені заңдылық. Осыны ескерген әзірлеушілер гаджетке арнайы растау түймесін орнатқан. Сіз түймені басып, рұқсат бермейінше, ол ешқандай істі өз бетімен бастамайды. Бақылауды әрдайым өз қолыңызда ұстауға мүмкіндік береді. Ал жеке деректердің қауіпсіздігіне келсек, жасаушылар экрандағы ақпарат пен файлдар бұлттық қоймаға кетпейтініне сендіріп отыр. Барлық дерек құрылғының өз ішінде өңделеді. Тек өте ауқымды нейрожелілерді қолданған кезде ғана мәтіннің қысқаша мазмұны желіге жіберілуі мүмкін.

Көмекшінің тағы бір ұтымды тұсы - қолдану үшін ай сайын ақша төлеп, ешқандай сервиске жазылудың қажеті жоқ. Құрылғының 128 гигабайттық тұрақты жады бар, сол толықтай жетіп жатыр. Қазір Kickstarter платформасында алғашқы тапсырыс берушілер үшін оның бағасы 399 доллар болып тұр. Кейін жаппай сатылымға шыққанда құны 699 долларға дейін өспек. Егер краудфандинг науқаны жоспардағыдай сәтті өтсе, алғашқы лек биыл қараша айында иелерінің қолына тиеді.

Аударма
Мақаланы басқа тілде оқыңыз
Бөлісу
TelegramWhatsAppFacebook

Пікірлер

Әзірге пікір жоқ. Алғашқы пікірді қалдырыңыз!

Соңғы жаңартылуы: 13 қараша 2026, 21:04

Ұқсас мақалалар

Сайлау алдындағы дипфейк толқыны: TikTok жаңа құрал іске қосты

Сайлау алдындағы дипфейк толқыны: TikTok жаңа құрал іске қосты

Бүгінде экраннан көргеннің бәріне сене беруге болмайды. TikTok саясаткерлер мен мемлекеттік органдарға өз бет-бейнесін рұқсатсыз пайдаланған жасанды интеллект контентін тауып, оған шағым түсіруге мүмкіндік беретін құрал ұсынды.

|Технология
Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Он жыл бойы Бингтің қолынан келмегенді жасанды интеллект санаулы күнде жасады: Енді біз ақпаратты мүлдем басқаша іздейтін боламыз, себебі...

|Технология
Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Он миллиард доллары бар адам бір миллиарды бар адамнан он есе көп тамақ іше алмайды: Илон Маск болашақта байлық пен ақшаның мүлде құнсызданатынын және адамзаттың роботтардан жақсы істей алатын бірде-бір кәсібі қалмайтынын болжады.

|Технология
Сіздің интернетіңіз қалай жұмыс істейді?

Сіздің интернетіңіз қалай жұмыс істейді?

Сіз дәл қазір осы мәтінді оқып отырған сәтте, деректеріңіздің бір бөлігі мұхит түбімен, қараңғы әрі суық тереңдікте, жарық жылдамдығымен жүгіріп жатқан болуы мүмкін.

|Технология
Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Көліктің нөмірін жасырсаңыз да, бетперде кисеңіз де бәрібір құтылмайсыз! Алматы облысында 9 мыңнан астам камераны бір орталыққа бағындырған «Sergek» жүйесі енді адам ойына келмейтін әдістермен жұмыс істей бастады.

|Технология
Google фейктерді анықтайтын жаңа құралын таныстырды

Google фейктерді анықтайтын жаңа құралын таныстырды

Кессеңіз де, фильтр қоссаңыз да өшпейді: Жасанды интеллект жасаған видеоларды әшкерелейтін көзге көрінбейтін таңба қалай жұмыс істейді?

|Технология
LiveInternetZERO.kz