Ең ірі AI-хакатон HackAlem AI әлемдік рекорд орнатты: Қазақстанға GUINNESS WORLD RECORDS сертификаты табысталды

Сертификатты табыстау рәсімі AI-экономиканы дамытуға қажетті инфрақұрылым, инвестициялар, адами капитал және халықаралық әріптестік мәселелеріне арналған The New Economy: Powered by AI панельдік сессиясында өтті.

Алаш баласы||3 мин оқу
Ең ірі AI-хакатон HackAlem AI әлемдік рекорд орнатты: Қазақстанға GUINNESS WORLD RECORDS сертификаты табысталды

AI & Digital Bridge 2026 халықаралық форумында GUINNESS WORLD RECORDS ресми төрешісі Гленн Поллард Қазақстан Республикасы Премьер-Министрінің орынбасары — жасанды интеллект және цифрлық даму министрі Жаслан Мадиевке HackAlem AI хакатонының қатысушылар саны бойынша әлемдік рекордын растайтын сертификатты табыстады.

Сертификатты табыстау рәсімі AI-экономиканы дамытуға қажетті инфрақұрылым, инвестициялар, адами капитал және халықаралық әріптестік мәселелеріне арналған The New Economy: Powered by AI панельдік сессиясында өтті.

«Бұл рекордқа қол жеткізу — үлкен жеңіс. Guinness World Records ұйымының ресми төрешісі ретінде жұмыс істеген 14 жыл ішінде мен үлкенді-кішілі көптеген рекордтың куәсі болдым. Осы AI-хакатонды өткізу үшін қаншалықты ауқымды жұмыс атқарылғанын, оның артында жоспарлау, дайындық және ұйымдастырудың қаншалықты жоғары деңгейі тұрғанын өз көзіммен көрдім. Бұл нәтиже Қазақстанның білім беру, технологиялар мен инновацияларды дамыту салаларындағы жетістіктерімен бірге елдің әлемдік технологиялық аренада өзін айқын танытып келе жатқанын көрсетеді», — деп атап өтті Гленн Поллард.

HackAlem AI AI-хакатонға қатысушылар саны бойынша GUINNESS WORLD RECORDS әлемдік рекордын орнатты.

HackAlem AI 2025 жылғы 21 желтоқсанда Үндістанның Хайдарабад қаласында орнатылған алдыңғы әлемдік рекордтан асып түсті. Сол кезде Google for Developers және Google Developer Groups Hyderabad ұйымдастырған хакатонға 2 089 адам қатысқан еді.

«GUINNESS WORLD RECORDS әлемдік рекордын орнату — Қазақстанның бүкіл технологиялық қауымдастығының жетістігі әрі еліміздің жоғары әлеуетінің дәлелі. HackAlem AI озық технологияларды қолдана отырып, экономиканың нақты міндеттерін шешуге атсалысқан мыңдаған талантты әзірлеушіні, студентті және жас маманды біріктірді. Біз үшін осы жерде жасалған жобалардың идея мен прототиптен бастап пилоттық сынақ пен енгізуге дейін дамуын жалғастыруы маңызды. Бұл нәтиже Қазақстанның жаһандық технологиялық күн тәртібіне қатысып қана қоймай, оны қалыптастыруға да қабілетті екенін көрсетеді. HackAlem AI Мемлекет басшысы жариялаған Цифрландыру және жасанды интеллект жылы аясында өтіп жатқан AI Month іс-шаралар топтамасының бір бөлігі болды», — деп атап өтті Қазақстан Республикасы Премьер-Министрінің орынбасары — жасанды интеллект және цифрлық даму министрі Жаслан Мәдиев.

Қатысушылар энергетика, қаржы, басқару, телекоммуникациялар, логистика, креативті индустриялар, білім беру, инновациялар, коммуникациялар және сауда сияқты он бағыт бойынша жобалар әзірледі.

Әлемдік рекорд GUINNESS WORLD RECORDS талаптарын сақтай отырып орнатылды. Қатысушылар тіркеуден және жеке басын сәйкестендіруден өтті, олардың кіруі мен шығуы жеке бейдждерін сканерлеу арқылы тіркелді, ал әр секторда ережелердің сақталуын стюардтар қадағалады. Қорытынды есепке белгіленген талаптарды орындаған және хакатон барысында жобалармен тікелей жұмыс істеген қатысушылар ғана енгізілді.

«Біз үшін бұл рекорд — HackAlem AI ауқымының көрсеткіші ғана емес, Қазақстанда және өңірде мықты технологиялық қауымдастық пен таланттардың жаңа буыны қалыптасқанының дәлелі. Біз олардың идеялары бәсекеге қабілетті өнімдерге айналып, әлемдік нарыққа шығуы үшін мүмкіндіктер жасап, жаһандық технологияларға, білімге және әріптестікке жол ашуға ұмтыламыз. HackAlem AI Мемлекет басшысы жариялаған Цифрландыру және жасанды интеллект жылының жарқын оқиғасына айналды», — деп атап өтті Astana Hub бас директоры Мағжан Мадиев.

HackAlem AI жасанды интеллект, цифрлық технологиялар, киберқауіпсіздік және технологиялық құзыреттерді дамытуға арналған AI Month іс-шаралар топтамасын ашты. Топтама Astana Hub қолдауымен AI & Digital Bridge 2026 қарсаңында және Қазақстандағы Цифрландыру және жасанды интеллект жылы аясында өтіп жатыр.

HackAlem AI ұйымдастырушылары мен серіктестері — Қазақстан Республикасының Жасанды интеллект және цифрлық даму министрлігі, Қазақстан Республикасының Ғылым және жоғары білім министрлігі, Астана қаласының әкімдігі, Astana Hub халықаралық инновациялық кластері, Silkroad Innovation Hub, Blockchain & AI Technology Center (BAITC), AI & Digital Bridge, OpenAI, NVIDIA, Arizona State University, Palo Alto Networks, MSSP.GLOBAL және «Романовский продукт».

HackAlem AI демеушілері — «Самұрық-Қазына» ұлттық әл-ауқат қоры» АҚ, Freedom Holding Corp., «Kaspi.kz» АҚ, «Қазақстан Халық Банкі» АҚ (Halyk Bank), «Қазақтелеком» АҚ, «Транстелеком» АҚ, Beeline Қазақстан және Firebird Inc.

AI & Digital Bridge 2026 Қазақстандағы Цифрландыру және жасанды интеллект жылы аясында өтіп, жасанды интеллект, цифрлық технологиялар, кәсіпкерлік және адами капиталды дамыту салаларындағы бастамаларды біріктіретін AI MONTH іс-шаралар айының басты халықаралық оқиғасына айналды.

Аударма
Мақаланы басқа тілде оқыңыз
Бөлісу
TelegramWhatsAppFacebook

Пікірлер

Әзірге пікір жоқ. Алғашқы пікірді қалдырыңыз!

Соңғы жаңартылуы: 19 қараша 2026, 17:36

Ұқсас мақалалар

Сайлау алдындағы дипфейк толқыны: TikTok жаңа құрал іске қосты

Сайлау алдындағы дипфейк толқыны: TikTok жаңа құрал іске қосты

Бүгінде экраннан көргеннің бәріне сене беруге болмайды. TikTok саясаткерлер мен мемлекеттік органдарға өз бет-бейнесін рұқсатсыз пайдаланған жасанды интеллект контентін тауып, оған шағым түсіруге мүмкіндік беретін құрал ұсынды.

|Технология
Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Он жыл бойы Бингтің қолынан келмегенді жасанды интеллект санаулы күнде жасады: Енді біз ақпаратты мүлдем басқаша іздейтін боламыз, себебі...

|Технология
Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Он миллиард доллары бар адам бір миллиарды бар адамнан он есе көп тамақ іше алмайды: Илон Маск болашақта байлық пен ақшаның мүлде құнсызданатынын және адамзаттың роботтардан жақсы істей алатын бірде-бір кәсібі қалмайтынын болжады.

|Технология
Сіздің интернетіңіз қалай жұмыс істейді?

Сіздің интернетіңіз қалай жұмыс істейді?

Сіз дәл қазір осы мәтінді оқып отырған сәтте, деректеріңіздің бір бөлігі мұхит түбімен, қараңғы әрі суық тереңдікте, жарық жылдамдығымен жүгіріп жатқан болуы мүмкін.

|Технология
Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Көліктің нөмірін жасырсаңыз да, бетперде кисеңіз де бәрібір құтылмайсыз! Алматы облысында 9 мыңнан астам камераны бір орталыққа бағындырған «Sergek» жүйесі енді адам ойына келмейтін әдістермен жұмыс істей бастады.

|Технология
Google фейктерді анықтайтын жаңа құралын таныстырды

Google фейктерді анықтайтын жаңа құралын таныстырды

Кессеңіз де, фильтр қоссаңыз да өшпейді: Жасанды интеллект жасаған видеоларды әшкерелейтін көзге көрінбейтін таңба қалай жұмыс істейді?

|Технология
LiveInternetZERO.kz