Цукербергтің жаңа «сауыны»: Инстаграмда мақтану енді ақша тұрады

Meta корпорациясы өзінің басты өнімдері - Instagram, Facebook және WhatsApp желілеріне ақылы жазылым енгізетінін жар салды.

Алаш баласы||2 мин оқу
Цукербергтің жаңа «сауыны»: Инстаграмда мақтану енді ақша тұрады

Павел Дуров пен Илон Маск өз қолданушыларынан ақша жинап жатқанда, Марк Цукерберг қарап қалсын ба? Meta корпорациясы өзінің басты өнімдері - Instagram, Facebook және WhatsApp желілеріне ақылы жазылым енгізетінін жар салды. Енді желідегі «элита» қатарына қосылу үшін ай сайын қалта қағуға тура келеді.

Meta өнімдері бойынша директор Наоми Глейттің сөзіне сенсек, бұл жаңалық қолданушыларға бұрын-соңды болмаған «ғажайып» мүмкіндік пен жасанды интеллект құралдарын сыйламақ. Ал шын мәнінде бізге не ұсынып отыр? Сонымен, бағасы мен «ерекшелігіне» көз жүгіртейік:

  • Instagram Plus — айына 3,99 доллар (шамамен 1900 теңге). Бұл сомаға сіз хикаяларыңыздың (stories) егжей-тегжейлі талдауын көре аласыз. Сондай-ақ, парақшаңыздың дизайнын өз талғамыңызға қарай жекелендіріп, әдеттегіден көп жазбаны жоғарыға бекітіп қоюға рұқсат беріледі. Қысқасы, парақшасын көрмеге айналдырғысы келетіндер үшін «таптырмас» мүмкіндік.

  • Facebook Plus — айына 3,99 доллар. Мұнда да сол хикаяларға арналған құралдар мен жеке парақшаны бейімдеу ұсынылады. Ең бастысы - эксклюзивті анимациялық әсерлер! Енді досыңыздың суретіне жай ғана лүпіл баспай, оған ақылы, қимылдайтын эмоция жібере аласыз. Ақшаңыз бар екенін көрсетудің тамаша тәсілі емес пе?

  • WhatsApp Plus — айына 2,99 доллар (шамамен 1450 теңге). Тегін жапсырмалармен (стикерлермен) сезімін жеткізе алмай жүргендерге сүйінші! Енді ақылы жапсырмалар пайда болады. Оған қоса, маңызды хаттарды жоғарыға көбірек бекітуге және қосымшаның түсі мен қоңырау әуенін өзгертуге рұқсат. Баяғы 2000-жылдардағы ұялы телефондарға ақылы әуен жүктейтін кездер қайта оралғандай.

Meta-ның қадамы тек түрлі-түсті жапсырмалармен шектелмейді. Компания барлық ақылы қызметтерді біріктіріп, «Meta One» деп аталатын біртұтас экожүйе құрмақ. Оның ішінде жасанды интеллектке негізделген арнайы екі тариф болады: айына 7,99 және 19,99 доллар.

Яғни, жасанды интеллект сіз үшін сурет салып, бейнежазба жасап, күрделі мәселелерді шешіп бергенін қаласаңыз, әмияныңыздың аузын кеңірек аша беріңіз. Әсіресе, бизнес өкілдері мен контент жасаушылар үшін бұл нағыз «алтын кеніш» болатынына уәде беріп отыр. Қазір кез келген компания өз өнімінің бағасын ақтау үшін «Жасанды интеллект» деген сиқырлы сөзді қоса салатыны жасырын емес.

Әзірге қазақстандықтар терең демала берсе болады. Біздің аймақ үшін ақылы қызметтерге әлі жол ашылған жоқ. Әлемдік БАҚ мәліметтеріне сүйенсек, жаңа тарифтер алдағы апталарда біртіндеп ене бастайды. Нақты бізге қашан жететінін компания басшылығы ашып айтқан жоқ. Сондықтан әзірге тегін хат алмасып, қарапайым лүпілімізді басып жүре береміз.

Аударма
Мақаланы басқа тілде оқыңыз
Бөлісу
TelegramWhatsAppFacebook

Пікірлер

Әзірге пікір жоқ. Алғашқы пікірді қалдырыңыз!

Соңғы жаңартылуы: 10 қараша 2026, 06:15

Ұқсас мақалалар

Сайлау алдындағы дипфейк толқыны: TikTok жаңа құрал іске қосты

Сайлау алдындағы дипфейк толқыны: TikTok жаңа құрал іске қосты

Бүгінде экраннан көргеннің бәріне сене беруге болмайды. TikTok саясаткерлер мен мемлекеттік органдарға өз бет-бейнесін рұқсатсыз пайдаланған жасанды интеллект контентін тауып, оған шағым түсіруге мүмкіндік беретін құрал ұсынды.

|Технология
Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Чатқа көшкен жұрт: ChatGPT іздеу жүйесінде алып Google-ді қалай ығыстырып жатыр?

Он жыл бойы Бингтің қолынан келмегенді жасанды интеллект санаулы күнде жасады: Енді біз ақпаратты мүлдем басқаша іздейтін боламыз, себебі...

|Технология
Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Ақшасыз және жұмыссыз дәуір: Илон Маск адамзаттың жаңа болашағын қалай елестетеді?

Он миллиард доллары бар адам бір миллиарды бар адамнан он есе көп тамақ іше алмайды: Илон Маск болашақта байлық пен ақшаның мүлде құнсызданатынын және адамзаттың роботтардан жақсы істей алатын бірде-бір кәсібі қалмайтынын болжады.

|Технология
Сіздің интернетіңіз қалай жұмыс істейді?

Сіздің интернетіңіз қалай жұмыс істейді?

Сіз дәл қазір осы мәтінді оқып отырған сәтте, деректеріңіздің бір бөлігі мұхит түбімен, қараңғы әрі суық тереңдікте, жарық жылдамдығымен жүгіріп жатқан болуы мүмкін.

|Технология
Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Төбелес, кептеліс, іздеудегі көлік: Sergek-тің жаңа жүйесі полицияға ақпаратты санаулы секундта жеткізеді

Көліктің нөмірін жасырсаңыз да, бетперде кисеңіз де бәрібір құтылмайсыз! Алматы облысында 9 мыңнан астам камераны бір орталыққа бағындырған «Sergek» жүйесі енді адам ойына келмейтін әдістермен жұмыс істей бастады.

|Технология
Google фейктерді анықтайтын жаңа құралын таныстырды

Google фейктерді анықтайтын жаңа құралын таныстырды

Кессеңіз де, фильтр қоссаңыз да өшпейді: Жасанды интеллект жасаған видеоларды әшкерелейтін көзге көрінбейтін таңба қалай жұмыс істейді?

|Технология
LiveInternetZERO.kz